ខេត្តមណ្ឌលគិរី ប្រារព្ធទិវាបរិស្ថានជាតិ និងបរិស្ថានពិភពលោក ក្រោមប្រធានបទ «សំណល់សូន្យ (Zero Waste)» ដើម្បីបន្តកសាងភូមិឋានស្អាត និងបៃតង

សិក្ខាសាលាផ្សព្វផ្សាយស្តីពី គន្លឹះពាក់ព័ន្ធនឹងសមភាពយេនឌ័រ បរិយាបន្នសង្គម និងផែនការយុទ្ធសាស្ត្របញ្ជ្រាបយេនឌ័រក្នុងវិស័យបរិស្ថាន (២០២៦-២០៣០)

នាព្រឹកថ្ងៃទី២៣ ខែកក្កដា ឆ្នាំ២០២៦ លោកជំទាវ ងិន លីណា រដ្ឋលេខាធិការ និងជាប្រធានក្រុមការងារបញ្ជ្រាបយេនឌ័រក្រសួងបរិស្ថាន និង លោកស្រី កែវ សាវឿន អភិបាលរងខេត្តមណ្ឌលគិរី បានអញ្ជើញជាអធិបតីក្នុងពិធីបើកសិក្ខាសាលាផ្សព្វផ្សាយស្តីពី «គន្លឹះពាក់ព័ន្ធនឹងសមភាពយេនឌ័រ និងបរិយាបន្នសង្គម (GESI) ក្នុងផែនការជាតិរួមចំណែកឆ្លើយតបនឹងការប្រែប្រួលអាកាសធាតុនៅកម្ពុជា (NDC 3.0) និងផែនការយុទ្ធសាស្ត្របញ្ជ្រាបយេនឌ័រក្នុងវិស័យបរិស្ថាន ២០២៦-២០៣០» ដោយមានការចូលរួមពី តំណាងមន្ទីរ-អង្គភាពពាក់ព័ន្ធ លោកគ្រូ អ្នកគ្រូ និងសិក្ខាកាមមកពីរាជធានីភ្នំពេញ និងបណ្តាខេត្តគោលដៅទាំង៦ រួមមាន៖ ខេត្តស្ទឹងត្រែង ខេត្តកំពង់ធំ ខេត្តរតនគិរី ខេត្តក្រចេះ ខេត្តត្បូងឃ្មុំ និងខេត្តកំពង់ចាមដែលប្រព្រឹត្តទៅនៅសណ្ឋាគារពេជ្រដា។

១៨ កក្កដា ២០២៦, ១០:៥៨

ក្រសួងបរិស្ថាន សហការជំរុញសកម្មភាព ដើម្បីលើកកម្ពស់«ភាពស្អាត និងភាពបៃតង» នៅតាមសហគមន៍មូលដ្ឋាន

នាយកដ្ឋានបេតិកភណ្ឌធម្មជាតិ នៃក្រសួងបរិស្ថាន បានសហការជាមួយអង្គការសមាគមអភិរក្សសត្វព្រៃប្រចាំកម្ពុជា(WCS) និងអង្គការជនជាតិដើមភាគតិច(CIPO) ដាំកូនឈើចម្រុះចំនួន៥០០ដើម លើផ្ទៃដីទំហំ០,៥ហិកតា នាថ្ងៃទី១៧ ខែកក្កដា ឆ្នាំ២០២៦ នៅលើទីតាំងដីព្រៃអារក្សក្បាលអូរឆ្លូង នៃសហគមន៍ជនជាតិដើមភាគតិចភូមិអណ្ដូងក្រឡឹង ស្ថិតនៅក្នុងដែនជម្រកសត្វព្រៃកែវសីមា ខេត្តមណ្ឌលគិរី ។

អាជ្ញាធរខេត្តមណ្ឌលគិរី សហការជាមួយអង្គការ WWF ដាំកូនឈើចម្រុះ ៣ ០០០ដើម នៅដែនជម្រកសត្វព្រៃស្រែពក

១៤ កក្កដា ២០២៦, ០៦:២៤

អាជ្ញាធរខេត្តមណ្ឌលគិរី សហការជាមួយអង្គការ WWF ដាំកូនឈើចម្រុះ ៣ ០០០ដើម នៅដែនជម្រកសត្វព្រៃស្រែពក

ខេត្តមណ្ឌលគិរី ៖ ដើម្បីជំរុញការអភិរក្ស ការអភិវឌ្ឍទេសចរណ៍ធម្មជាតិ និងការអភិវឌ្ឍន៍ប្រកបដោយចីរភាព នាព្រឹកថ្ងៃទី១៤ ខែកក្កដា ឆ្នាំ២០២៦ អាជ្ញាធរខេត្តមណ្ឌលគិរី សហការជាមួយអង្គការ WWF-កម្ពុជា ក្រោមការសម្របសម្រួលដោយមន្ទីរបរិស្ថានខេត្ត បានរួមគ្នាប្រារព្ធពិធីដាំកូនឈើចម្រុះចំនួន ៣,០០០ដើម លើផ្ទៃដីទំហំ ៣ហិកតា ស្ថិតនៅភូមិពូជ្រៃចុងផាង ឃុំពូជ្រៃ ស្រុកពេជ្រាដា ខេត្តមណ្ឌលគិរី។

៩ កក្កដា ២០២៦, ១១:៤៣

មន្ទីរបរិស្ថានខេត្តមណ្ឌលគិរី បង្ហាញលទ្ធផលធំៗក្នុងឆមាសទី១ បង្ក្រាបបទល្មើសធនធានធម្មជាតិជាង ១០០ករណី និងសម្រេចយុទ្ធនាការ “កម្ពុជាស្អាតខ្មែរធ្វើបាន” និងយុទ្ធនាការ “ថ្ងៃនេះខ្ញុំមិនប្រើប្លាស្ទិកទេ”យ៉ាងសកម្ម

ខេត្តមណ្ឌលគិរី ៖ មន្ទីរបរិស្ថានខេត្តមណ្ឌលគិរី បានបញ្ចេញរបាយការណ៍បូកសរុបលទ្ធផលការងារប្រចាំឆមាសទី១ ឆ្នាំ២០២៦ ដែល ក្នុងរបាយការណ៍នោះបានបង្ហាញពីសមិទ្ធផលគួរឱ្យកត់សម្គាល់លើការងារស្នូលចំនួនពីរ គឺការរឹតបន្តឹងការអនុវត្តច្បាប់ការពារព្រៃឈើ-សត្វព្រៃ និងការជំរុញការយល់ដឹងពីបរិស្ថានតាមរយៈយុទ្ធនាការកាត់បន្ថយការប្រើប្រាស់ថង់ប្លាស្ទិកយ៉ាងទូលំទូលាយ។

៣ កក្កដា ២០២៦, ០៩:១១

យុទ្ធនាការ ចុះរៀបចំ និងសម្អាតបរិស្ថាន អនាម័យតាម ដងផ្លូវជាតិលេខ៧៦ និងតំបន់មួយចំនួននៅទីប្រជុំជន ស្រុកកោះញែក

មណ្ឌលគិរី ៖ ដោយមានការណែនាំ និងចង្អុលបង្ហាញពីលោក សី ទូច អភិបាល នៃគណៈអភិបាលស្រុក លើការងារគ្រប់គ្រងបរិស្ថាន និងសោភ័ណភាពក្នុងមូលដ្ឋាន នាថ្ងៃទី២ ខែកក្កដា ឆ្នាំ២០២៦ លោក សា ស្លឹម អភិបាលរង នៃគណៈអភិបាលស្រុក បានដឹកនាំមន្ត្រីរាជការនៃរដ្ឋបាលស្រុក សហការជាមួយកម្លាំងអធិការនគរបាលស្រុកកោះញែក និងកម្លាំងរដ្ឋបាលឃុំ ចុះយុទ្ធនាការចុះរៀបចំ និងសម្អាតបរិស្ថាន អនាម័យតាមដងផ្លូវជាតិលេខ៧៦ និងតំបន់មួយចំនួននៅទីប្រជុំជនស្រុកកោះញែក។ សកម្មភាពនាថ្ងៃនេះ រួមមាន៖ ការបោសសម្អាត កាប់ឆ្ការព្រៃស្មៅដែលដុះលយចូលដងផ្លូវ ធ្វើឱ្យប៉ះពាល់ដល់ការមើលឃើញរបស់អ្នកធ្វើដំណើរ ក៏ដូចជាការប្រមូលកាកសំណល់ផ្សេងៗ ដើម្បីធានាបាននូវ បរិស្ថានស្អាត កាត់បន្ថយសម្រាម និងការបំពុលផ្សេងៗជាពិសេសការលុបបំបាត់ទីកន្លែង ដែលអាចក៏កើតមានឡើងនូវជម្រកមូសខ្លា ជាភ្នាក់ងារចម្លងជំងឺគ្រុនឈាម ៕

ព័ត៌មានថ្មីៗ

ស.ស.យ.ក ខេត្តរតនគិរី ប្រកាសទទួលស្គាល់គណៈកម្មា ធិការ ស.ស.យ.ក. ក្រុង ស្រុក មន្ទីរអង្គភាពជុំវិញខេត្ត ចំនួន៣៧នាក់

សេចក្តីជូនដំណឹង

ស.ស.យ.ក ខេត្តរតនគិរី ប្រកាសទទួលស្គាល់គណៈកម្មា ធិការ ស.ស.យ.ក. ក្រុង ស្រុក មន្ទីរអង្គភាពជុំវិញខេត្ត ចំនួន៣៧នាក់

ឯកឧត្តម ញ៉ែម សំអឿន÷ បច្ចុប្បន្ន ស.ស.យ.ក. ដែលបន្តវេនពី «សមាគមយុវជនកម្ពុជា» នៅតែរក្សាបានស្មារតីនិងគោលបំណងរួមគ្នា និងសាមគ្គីភាព រឹងមាំជាធ្លុងមួយក្នុងគោលដៅចូលរួមចំណែក ជាមួយរាជរដ្ឋាភិបាល ដើម្បីរក្សាឱ្យបាននូវ ស្នាដៃ និងសមិទ្ធផល ដ៏អស្ចារ្យជាឧត្តមប្រយោជន៍ជាតិទាំងឡាយ ដែលអតីតយុវជនជំនាន់២ធ្នូបានកសាងឡើងព្រមទាំងបន្តបង្កើតនូវសមិទ្ធផលថ្មីបន្ថែមទៀតសម្រាប់ប្រទេសជាតិ និងប្រជាពលរដ្ឋក្រោមដំបូលនៃ សន្តិភាព។

សិក្ខាសាលាសម្រាប់ថ្នាក់ដឹកនាំប្រចាំតំបន់ និងសាខា ស្តីពីការពង្រឹងអភិបាលកិច្ច និងឧត្តមភាព ប្រតិបត្តិការក្នុងវិស័យធនាគារ និងហិរញ្ញវត្ថុដើម្បីភាពរីកចម្រើនដោយចីរភាព

សេចក្តីជូនដំណឹង

សិក្ខាសាលាសម្រាប់ថ្នាក់ដឹកនាំប្រចាំតំបន់ និងសាខា ស្តីពីការពង្រឹងអភិបាលកិច្ច និងឧត្តមភាព ប្រតិបត្តិការក្នុងវិស័យធនាគារ និងហិរញ្ញវត្ថុដើម្បីភាពរីកចម្រើនដោយចីរភាព

សិក្ខាសាលានេះត្រូវបាន សហការ ដោយសមាគមធនាគារ នៅកម្ពុជា និងសមាគម មីក្រូហិរញ្ញវត្ថុកម្ពុជា ដោយមានការ គាំទ្រពីធនាគារជាតិនៃកម្ពុជា និងរដ្ឋបាលខេត្តរតនគិរីរៀបចំធ្វើឡើងនៅភោជនីយដ្ឋាន រតនៈលីណាព្រឹកថ្ងៃទី៦ ខែសីហា ឆ្នាំ២០២៦ ក្រោមអធិបតីភាពលោកបណ្ឌិត ឡាយ សុខ ហេង ឧបការី ទេសាភិបាល និងជាអគ្គនាយកបទប្បញ្ញត្តិ និងបរិយាបន្ន ហិរញ្ញវត្ថុ ធនាគារជាតិ នៃកម្ពុជា ឯកឧត្តម ងិន ណែល អភិបាលរង នៃគណៈអភិបាលខេត្តរតនគិរី ។

ឯកឧត្តម គិត ទ្រី សមាជិកគណៈកម្មការទី១ នៃរដ្ឋសភា និងជាតំណាងរាស្ត្រមណ្ឌលខេត្តរតនគិរី អញ្ជើញប្រគេនទៀន វស្សា និងគ្រឿងទេយ្យទានដល់ព្រះសង្ឃនៅវត្ត សាមគ្គីរតនារាម (ហៅវត្តភូមិថ្មី)

សេចក្តីជូនដំណឹង

ឯកឧត្តម គិត ទ្រី សមាជិកគណៈកម្មការទី១ នៃរដ្ឋសភា និងជាតំណាងរាស្ត្រមណ្ឌលខេត្តរតនគិរី អញ្ជើញប្រគេនទៀន វស្សា និងគ្រឿងទេយ្យទានដល់ព្រះសង្ឃនៅវត្ត សាមគ្គីរតនារាម (ហៅវត្តភូមិថ្មី)

ឯកឧត្តម គិត ទ្រី តំណាងរាស្ត្រមណ្ឌលខេត្តរតនគិរី និងលោកជំទាវ ព្រមទាំងក្រុមគ្រួសារ នៅព្រឹកថ្ងៃទី០៦ ខែសីហា ឆ្នាំ២០២៦ មានសទ្ធាជ្រះថ្លាក្នុងការបំពេញកុសលក្នុងរដូវចូលព្រះវស្សា បានអញ្ជើញនាំយកទៀនវស្សា បច្ច័យ និងគ្រឿងទេយ្យទាន ទៅប្រគេនដល់ព្រះសង្ឃដែលគង់នៅវត្តសាមគ្គីរតនារាម (ហៅវត្តភូមិថ្មី) ដែលស្ថិតនៅភភូមិអូរមៀត សង្កាត់ឡាបានសៀក ក្រុងបានលុង ខេត្តរតនគិរី ដែលមាន ការចូលរួមក្នុងពិធីប្រគេនទៀនវស្សានេះ រួមមាន៖ លោក ស៊ន ពល មេបញ្ជាការរងតំបន់ ប្រតិបត្តិការសឹករងខេត្ត លោក មាស ពៅបូរ៉ា ស្នងការរងខេត្ត លោក ម៉ៅ សារី មេធាវី ព្រមទាំងមន្ត្រីទីស្នាក់ការរដ្ឋសភាមណ្ឌលខេត្តរតនគិរី។

កាកបាទក្រហមកម្ពុជា

មន្រ្តីប្រតិបត្តិសាខាកាកបាទក្រហមកម្ពុជាខេត្តរតនគិរី បន្តចុះធ្វើយុទ្ធនាការ ផ្សព្វផ្សាយអំពីជំងឺគ្រុនឈាម ជូនប្រជាពលរដ្ឋនៅស្រុកវើនសៃ

ដោយមានការខ្វល់ខ្វាយ និងយកចិត្តទុកដាក់ខ្ពស់ចំពោះបងប្អូនប្រជាពលរដ្ឋក្នុងខេត្ត នារដូវវស្សានេះឯកឧត្តម ញ៉ែម សំអឿន អភិបាលខេត្ត និងជាប្រធានគណៈកម្មាធិការសាខាកាកបាទកម្ពុជាខេត្តរតនគិរីនៅថ្ងៃទី៥ ខែសីហា ឆ្នាំ២០២៦ ឯកឧត្តម បានចាត់មន្រ្តីសាខា ដឹកនាំយុវជន និងអ្នកស្មគ្រ័ចិត្ត កាកបាទក្រហម បន្តចុះធ្វើយុទ្ធនាការផ្សព្វផ្សាយ អំពីជំងឺគ្រុនឈម ជូនដល់បងប្អូនប្រជាពលរដ្ឋចំនួន ៨ភូមិ ក្នុងឃុំចំនួន ៣ ក្នុងស្រុកវើនសៃ រួមមាន ឃុំប៉ុង ឃុំភ្នំកុក និងឃុំកាចូន។