
លោកជំទាវ ចក់ មើល សមាជិកក្រុមប្រឹក្សាខេត្ត និងជាប្រធាន គណៈកម្មាធិការពិគ្រោះយោបល់ កិច្ចការស្រ្តី និងកុមារខេត្តរតនគិរី នៅព្រឹកថ្ងៃទី ១៩ខែវិច្ឆិកា ឆ្នាំ២០២៦ បានដឹកនាំគណៈកម្មា ធិការពិគ្រោះយោបល់កិច្ចការស្ត្រី និងកុមារខេត្តចុះស្វែងរយល់ពីបញ្ហាប្រឈមរបស់កម្មករនៅក្រុម ហ៊ុនហ័ងអាញ់ នៅស្រុកលំផាត់។
ការចុះមកជួបសំណេះសំណាល និងពិភាក្សាការងារជាមួយតំណាងក្រុមហ៊ុន និងកម្មករខាងលើ គឺ ក្នុងគោល បំណងស្វែងយល់ពីស្ថានភាពជាក់ស្តែង បញ្ហាប្រឈម និងតម្រូវការរបស់ស្ត្រី និងកុមារ ជាពិសេសស្ត្រី និងកុមារ ដែលកំពុងរស់នៅ ឬធ្វើការនៅក្នុងតំបន់ប្រតិបត្តិការ របស់ក្រុមហ៊ុន ព្រមទាំងសហគមន៍ដែលនៅជុំវិញ។ លោកជំទាវបញ្ជាក់ថា ការលើកឡើងពីចំណុចសំខាន់ទាំង៥ក្នុងកិច្ចជួបពិភាក្សានាពេលនេះ មិនមែនមាន គោលបំណងចោទប្រកាន់ ធ្វើអធិការកិច្ច ឬសន្និដ្ឋានជាមុនចំពោះក្រុមហ៊ុនណាមួយនោះទេ ប៉ុន្តែជាការចុះ ស្វែងយល់ស្តាប់ព័ត៌មានពីគ្រប់ភាគី និងស្វែងរកដំណោះស្រាយរួម ដើម្បីធានាថា ការអភិវឌ្ឍសេដ្ឋកិច្ចដើរទន្ទឹម គ្នាជាមួយការការពារសិទ្ធិ និងសុខុមាលភាពរបស់ស្ត្រី និងកុមារសម្រាប់សង្គមជាតិ៕











