យោងតាមការតាមដាន និងវិភាគស្ថានភាពអាកាសធាតុ ព្រមទាំងទិន្នន័យឧតុនិយមជាក់ស្តែង មន្ទីរធនធានទឹក និងឧតុនិយមខេត្តប៉ៃលិន សូមជម្រាបជូនសាធារណជន និងអាជ្ញាធរពាក់ព័ន្ធគ្រប់លំដាប់ ថ្នាក់ឱ្យបានជ្រាបថា៖ ខេត្តប៉ៃលិនបាននិងកំពុងឈានចូលដំណាក់កាលរដូវរំហើយ ដែលជាដំណាក់កាល អន្តរកាលពីរដូវវស្សាឈានទៅរដូវប្រាំង។ ដំណាក់កាលនេះ អាចបន្តរហូតដល់ការចូលមកដល់នៃរដូវប្រាំង ពេញលេញក្នុងខែមករា ឆ្នាំ២០២៧ ខាងមុខ។

ក្រសួងការងារនិងបណ្តុះបណ្តាលវិជ្ជាជីវៈ សូមជូនដំណឹងដល់សាធារណជនឱ្យបានជ្រាបថា គិតត្រឹម ថ្ងៃទី១៤ ខែតុលា ឆ្នាំ២០២៦នេះ កម្ពុជាពុំទាន់មានកិច្ចព្រមព្រៀងស្តីពីការផ្លាស់ប្តូរកម្លាំងពលកម្ម បុគ្គលិក ឬពលករកម្ពុជាទៅធ្វើការនៅប្រទេសរុស្ស៊ីនៅឡើយទេ។

សេចក្តីជូនដំណឹង ស្តីពី ​​ការបម្រើសេវាដឹកជញ្ជូនសាធារណៈរថយន្តក្រុង ដោយមិនគិតថ្លៃរយៈពេល ០៥ថ្ងៃ ចាប់ពីថ្ងៃទី៩ ដល់ថ្ងៃទី១៣ ខែតុលា ឆ្នាំ២០២៦ក្នុងឱកាសពិធីបុណ្យភ្ជុំបិណ្ឌប្រពៃណីជាតិខ្មែរ ឆ្នាំមមី អដ្ឋស័ក ពុទ្ធសករាជ ២៥៧០ តាមពេលវេលាកំណត់ក្នុងតារាងខាងក្រោមៈ

ប៉ៃលិន៖ មន្ទីរសាធារណការ និងដឹកជញ្ជូនខេត្តប៉ៃលិន បាននិងកំពុងដាក់ឱ្យដំណើរការរថយន្តត្រួតពិនិត្យលក្ខណៈបច្ចេកទេសយានយន្តចល័ត (ឆៀកចល័ត) ដើម្បីផ្តល់សេវាជូនបងប្អូនប្រជាពលរដ្ឋ និងម្ចាស់យានយន្តគ្រប់ប្រភេទក្នុងមូលដ្ឋាន ចាប់ពីថ្ងៃទី២៨ ខែកញ្ញា រហូតដល់ថ្ងៃទី០២ ខែតុលា ឆ្នាំ២០២៦។ យុទ្ធនាការនេះរៀបចំឡើងក្នុងគោលបំណងបង្កលក្ខណៈងាយស្រួល ចំណេញពេលវេលា និងកាត់បន្ថយការចំណាយក្នុងការធ្វើដំណើរទៅឆ្ងាយរបស់ម្ចាស់យានយន្ត។

លោក ទៀ ប៊ុនលៀម ភេទ ប្រុស អាយុ ៥៣ឆ្នាំ សញ្ជាតិ ខ្មែរ និងប្រពន្ធឈ្មោះ គៀត លីគុន អាយុ ៤៥ឆ្នាំ សញ្ជាតិ ខ្មែរ ទីលំនៅបច្ចុប្បន្ននៅភូមិ១៣ សង្កាត់បឹងកក់២ ខណ្ឌទួល គោក រាជធានីភ្នំពេញ ។ ប្រកាស សុំប្តឹងអំពីករណីបាត់ប័ណ្ណសម្គាល់សិទ្ធិកាន់កាប់អចលវត្ថុលេខៈ000568 (Bιν 0077) ចុះថ្ងៃទី២២ ខែឧសភា ឆ្នាំ២០០៦ ចេញដោយអគ្គសុរិយោដី និងភូមិសាស្ត្រ ដែលមាន ទីតាំងស្ថិតនៅភូមិអូរច្រាលើ សង្កាត់ទួលល្វា ក្រុងប៉ៃលិន ខេត្តប៉ៃលិន ។

ខេត្តប៉ៃលិន ៖ បញ្ជាការដ្ឋានកងរាជអាវុធហត្ថខេត្តប៉ៃលិន បានចេញសេចក្តីជូនដំណឹងដល់សិស្ស និស្សិត និងស្រទាប់យុវជនទាំងអស់ឱ្យបានជ្រាបថា បញ្ជាការដ្ឋានកងរាជអាវុធហត្ថលើផ្ទៃប្រទេស កំពុងដំណើរការជ្រើសរើសពលទាហាន ដើម្បីបំពេញក្របខ័ណ្ឌឱ្យអង្គភាពកងរាជអាវុធហត្ថ។ ចំពោះយុវជនដែលមានបំណង និងស្ម័គ្រចិត្តចូលបម្រើការងារក្នុងជួរកងរាជអាវុធហត្ថ ប្រកបដោយមនសិការ ស្នេហាជាតិ និងមានឧត្ដមគតិខ្ពស់ក្នុងការបម្រើជាតិមាតុភូមិ អាចអញ្ជើញមកទំនាក់ទំនងដកពាក្យ និងដាក់ពាក្យស្នើសុំចូលបម្រើការងារដោយឥតគិតប្រាក់។