បាត់ដំបង៖ ស្របពេលដែលស្ថានភាពជំនន់ទឹកភ្លៀងបានស្រកចុះជាបណ្តើរៗ នៅថ្ងៃពុធ ១កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២១ ខែតុលា ឆ្នាំ២០២៦ លោក យី សុងគី ប្រធានមន្ទីរអប់រំ យុវជន និងកីឡាខេត្តបាត់ដំបង រួមជាមួយសហការី បានអញ្ជើញចុះសួរសុខទុក្ខលោកគ្រូ អ្នកគ្រូ និងសហគមន៍សាលាបឋមសិក្សាបានណន់ ស្ថិតក្នុងស្រុកបាណន់ ខេត្តបាត់ដំបង ព្រមទាំងពិនិត្យស្ថានភាពផលប៉ះពាល់ដែលសាលារៀនបាន និងកំពុងទទួលរងដោយសារជំនន់ទឹកភ្លៀងនាពេលកន្លងមក។

បាត់ដំបង៖ សិស្សានុសិស្សក្លឹបសិក្សាកម្មវិធី “មនសិការពលរដ្ឋល្អ” វិទ្យាល័យសម្តេចឪ ខេត្តបាត់ដំបង នាព្រឹកថ្ងៃទី២១ ខែតុលា ឆ្នាំ២០២៦ បានធ្វើទស្សនកិច្ចសិក្សា នៅស្ថានីយប្រព្រឹត្តកម្មទឹកកង្វក់ខាងកើតស្ទឹង ស្ថិតនៅក្នុងឃុំនរា ស្រុកសង្កែ ខេត្តបាត់ដំបង។ ក្នុងកម្មវិធីនេះ មានការអញ្ជើញចូលរួមពី លោកស្រី គឹម សុគន្ធារី អនុប្រធានមន្ទីរសាធារណៈការ និងដឹកជញ្ជូនខេត្តបាត់ដំបង និងមន្រ្តីជំនាញជាច្រើនរូបទៀត។

បាត់ដំបង៖ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានជំរុញឱ្យនិស្សិតត្រូវមានស្មារតីសិក្សាពេញមួយជីវិត ពោលគឺនៅតែបន្តខិតខំប្រឹងប្រែងសិក្សាស្រាវជ្រាវដុសខាត់ចំណេះដឹងបន្ថែមទៀតទោះបីជាបានបញ្ចប់ការសិក្សានៅសាកលវិទ្យាល័យ។ការជំរុញរបស់ឯកឧត្តមរដ្ឋមន្រ្តីធ្វើឡើងនៅក្នុងពិធីប្រគល់សញ្ញាបត្រជូននិស្សិតកម្រិតថ្នាក់បរិញ្ញាបត្ររង ថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់នៃសាកលវិទ្យាល័យអន្តរជាតិ ឌូវី នៅថ្ងៃទី១៩ ខែតុលា ឆ្នាំ២០២៦។

បាត់ដំបង ៖ រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ឯកឧត្តម ហែម វណ្ណឌី បានបញ្ជាក់ថា ការវិនិយោគលើមូលធនមនុស្សគឺជាការវិនិយោគលើអនាគតរបស់ប្រទេសជាតិទាំងមូល ដែលមានតម្លៃបំផុត ជាពិសេសក្នុងវិស័យវិទ្យាសាស្ត្របច្ចេកវិទ្យា វិស្វកម្ម និងគណិតវិទ្យា ដែលហៅថា ស្ទែមគឺជាអាទិភាពដ៏សំខាន់ ក្នុងការត្រៀមខ្លួនទៅកាន់ចក្ខុវិស័យឆ្នាំ២០៥០ ។

មន្ទីរអប់រំ យុវជន និងកីឡា ខេត្តបាត់ដំបង បានទទួលបដិសណ្ឋារកិច្ច និងអមដំណើរ ឯកឧត្តម បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី និងជារដ្ឋមន្ត្រីក្រសួងអប់រំ យុវជន និងកីឡា អញ្ជើញចុះសួរសុខទុក្ខ សំណេះសំណាល និងពិនិត្យមើលការត្រៀមលក្ខណៈសម្រាប់ការអនុវត្តកម្មវិធីសាលារៀនជំនាន់ថ្មី (New Generation School: NGS) នៅវិទ្យាល័យនេតយ៉ង់ ស្ថិតក្នុងក្រុងបាត់ដំបង ខេត្តបាត់ដំបង។

បាត់ដំបង៖ សាកលវិទ្យាល័យ ឯកទេសនៃកម្ពុជា សាខាខេត្តបាត់ដំបង នារសៀលថ្ងៃទី០៤ ខែតុលា ឆ្នាំ២០២៦ បានរៀបចំវេទិកា CUS ប្រចាំឆ្នាំ២០២៦ ស្តីពីការកសាងអាជីព និងការសិក្សាពេញមួយជីវិត ដោយមានការអញ្ជើញចូលរួមពី បណ្ឌិត មាស បូរ៉ា សាកលវិទ្យាធិការសាកលវិទ្យាល័យ ឯកទេសនៃកម្ពុជា លោក លោកស្រី វាគ្មិនកិត្តិយសមកពីវិស័យរដ្ឋ និងឯកជន ព្រមទាំងនិស្សិតជាច្រើនរូបទៀត។