នាព្រឹកថ្ងៃទី០៧ ខែតុលា ឆ្នាំ២០២៦ លោក ឃ្លោក នួយ អភិបាលរងខេត្ត តំណាងឯកឧត្តម អ៊ុ រាត្រី អភិបាល នៃគណៈអភិបាលខេត្តបន្ទាយមានជ័យ និងឯកឧត្តម តូច ប៊ុនហួរ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីក្នុងកិច្ចប្រជុំវាយតម្លៃផលប៉ះពាល់ និងការខូចខាតដែលបណ្តាលមកពីទឹកជំនន់ ព្រមទាំងរៀបចំផែនការឆ្លើយតបក្នុងវិស័យកសិកម្ម។

បន្ទាយមានជ័យ៖ នាព្រឹកថ្ងៃពុធ ១១រោច ខែភទ្របទ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី០៧ ខែតុលា ឆ្នាំ២០២៦ ក្រុមការងារសុវត្ថិភាពចរាចរណ៍នៃមន្ទីរសាធារណការ និងដឹកជញ្ជូនខេត្តបន្ទាយមានជ័យ បានចុះធ្វើយុទ្ធនាការអប់រំផ្សព្វផ្សាយច្បាប់ស្តីពីសុវត្ថិភាពចរាចរណ៍ផ្លូវគោក ជូនដល់បងប្អូនប្រជាពលរដ្ឋធ្វើដំណើរតាមដងផ្លូវ ស្ថិតនៅចំណុចស្តុបចរាចរណ៍ លើកំណាត់ផ្លូវជាតិលេខ៥ ក្នុងក្រុងសិរីសោភ័ណ ខេត្តបន្ទាយមានជ័យ។

បន្ទាយមានជ័យ៖ នៅព្រឹកថ្ងៃចន្ទ ទី៥ ខែតុលា ឆ្នាំ២០២៦ លោក ខុន សុខុម ប្រធានមន្ទីរអធិការកិច្ចខេត្តបន្ទាយមានជ័យ និងជាតំណាង ឯកឧត្ដម លីវ សុភក្ត្រា រដ្ឋលេខាធិការក្រសួងអធិការកិច្ច និងជាសមាជិកក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ បាននាំយកអំណោយអង្ករចំនួន ៣តោន ប្រគល់ជូនដល់រដ្ឋបាលក្រុងប៉ោយប៉ែត សម្រាប់ចាត់ចែងបន្តផ្តល់ជូនប្រជាពលរដ្ឋដែលកំពុងទទួលរងផលប៉ះពាល់ដោយសារគ្រោះទឹកជំនន់នៅក្នុងមូលដ្ឋាន

នៅថ្ងៃទី៥ ខែតុលា ឆ្នាំ២០២៦ លោកបណ្ឌិត សេង វ៉ាង ប្រធានការងារចុះជួយមូលដ្ឋានឃុំរហាល និងក្រុមការងារ បាននាំយកទឹកសុទ្ធចំនួន ២០០យួរ ឧបត្ថម្ភជូនដល់កងទ័ពជួរមុខប្រចាំទិសបឹងត្រកួន ដើម្បីប្រើប្រាស់តាមតម្រូវការជាក់ស្តែង។

នៅព្រឹកថ្ងៃទី៥ ខែតុលា ឆ្នាំ២០២៦ ក្រោមការយកចិត្តទុកដាក់របស់ លោក កែ សួន សុភាព ប្រធានសហភាពសហព័ន្ធយុវជនកម្ពុជាខេត្តបន្ទាយមានជ័យ និង លោកស្រី ព្រហ្ម រដ្ឋា ស.ស.យ.ក. ស្រុកម៉ាឡៃ បានចុះសួរសុខទុក្ខ និងនាំយកអំណោយជាគ្រឿងឧបភោគ-បរិភោគ ប្រគល់ជូនប្រជាពលរដ្ឋចំនួន ២២គ្រួសារ ដែលរងផលប៉ះពាល់ដោយសារទឹកជំនន់ និងកំពុងជួបការខ្វះខាតក្នុងជីវភាព ស្ថិតនៅឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ។

នៅព្រឹកថ្ងៃចន្ទ ៩រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែតុលា ឆ្នាំ២០២៦ សភាពាណិជ្ជកម្មខេត្តបន្ទាយមានជ័យ ដឹកនាំដោយ ឧកញ៉ា អ៉ឹង វណ្ណម៉ៅ អនុប្រធានសភាពាណិជ្ជកម្មកម្ពុជា និងជាប្រធានសភាពាណិជ្ជកម្មខេត្ត បាននាំយកគ្រឿងឧបភោគបរិភោគ និងថវិកា ជូនដល់ស្នងការដ្ឋាននគរបាលខេត្តបន្ទាយមានជ័យ ដើម្បីចូលរួមចំណែកគាំទ្រដល់ការងារ និងសកម្មភាពរបស់កងកម្លាំងនគរបាលក្នុងមូលដ្ឋាន។